ME Upper, Föstudag

A1 Bekkpressa: 20kg x 10, 40kg x 10, 60kg x 10, 80kg x 5
A2 External rotation: 4kg x 4sett x 12reps
3Board press: 100kg x 1, 110kg x 1

Hér var ég klæddur í bekkpressubolinn, en allt kom fyrir ekki. Þessa síðustu cm vantaði uppá. Ég reyndi 4x að toga 100kg niður en það fór ekki mjög langt.

3Board press: 115kg x 0

Fann stingandi sársauka frá öxlum niður að úlnlið báðum megin þegar stöngin snerti búkkann og gat ekki hreyft þyngd sem átti að fljúga upp. Fann strax að æfingin yrði ekki mikið lengri af þessum sökum.
Núna, einum og hálfum degi síðar er ég enn að drepast í öxlum og olnbogum og öllum vöðvum sem tengjast þeim liðum.
Næsta vika verður tekin í að hvíla þreytta liði í efri búk og létt pump á þeim vígstöðvum.

Alternating hammer curl: 6kg x 50 hvor hönd

Þetta létti aðeins á sársauka í upphandlegg og framhandlegg.

Það er helst tvennt sem ég tel ástæðuna fyrir þessu:
Hnébeygjuæfingin daginn áður sem tók vel á olnbogana. Ég ætla að færa dagana til í æfingum þannig að ég taki ekki pressur daginn eftir beygju, því það býður ekki upp á nægan tíma fyrir olnbogana til að ná sér eftir beygjuna.
Róðurinn á þriðjudaginn hefur verið heldur stífur. Olnbogar og axlir hafa ekki verið orðin góð eftir hann og því fór sem fór.

Ég ætla að redda mér nuddi og taka bólgueyðandi til að ná þessu góðu í næstu viku og prófa mig svo áfram með hvað liðirnir þola. Lýsi og liðaktín verða líka sett í botn til að hjálpa liðunum.

Bolurinn góði verður svo víkkaður einhvern veginn til að hann verði nothæfur.